Македонската полиција уапси Пакистанец осомничен за убиство на неговата девојка во Атина која се викала Николета.

Тој бил уапсен синоќа заедно со група нелегални мигранти и им бил предаден на грчките власти.

Пакистанецот на околу 20- годишна возраст е осомничен за фемицид над неговата 17-годишна девојка, што се случи во вторникот во атинска населба и оттогаш му се изгуби секаква трага.

Грчкото министерство за цивилна заштита имало информација дека убиецот сакал да избега во некоја од земјите од централна Европа.

-Полициските власти во северна Грција веднаш стапија во контакт со соодветните служби од балканските земји и постоеше континуирана и тесна соработка, а се зајакнаа и контролите на граничните премини. Како резултат на засилените контроли, беше откриена група нелегални имигранти во Северна Македонија, во која е утврдено дека беше и осомничениот сторител на грозоморното убиство, соопштија од надлежното грчко Министерство.