Maкедонската полиција уапси две лица кои ги бара Интерпол. 

Еден косовски и еден албански државјанин се уапсени вчера на граничниот премин  „Долно Блаце“ при влез во Македонија врз основа на известување од Интерпол.

Полицијата денеска информираше дека во 4:30 часот вчера изутрината на ГП„Долно Блаце“ за влез во Македонија е приведен Л.Ш.(33) од Албанија, врз основа на телеграма од Интерпол за сторени кривични дела „тешки кражби“. Лицето е предадено на полициски службеници од Полициската станица Чаир за понатамошна постапка.

На ГП „Долно Блаце“ синоќа во 18:50 часот при пасошка контрола за влез во  Македонија е констатирано дека Б.Ш.(47) од Косово се наоѓа на листата од Интерпол со мерка „Апси“, по што е приведен за понатамошна постапка.