Рударската општина Македонска Каменица чека исплата на концесијата од рудникот Саса во висина од 30 милиони денари за да може да менаџира поликвидно со своите трошоци и долгови.

- Очекуваме во наредните неколку недели концесионерот на рудникот Саса да ги плати своите обврски кон општината - рече денеска градоначалничката Соња Стаменкова.

Рудникот за олово и цинк „Саса“ од Македонска Каменица веќе 12 години е рестартиран и тој е еден од најголемите пет рудници за олово и цинк во Европа.

Компанијата „Централ Азија металс“, со седиште во Лондон, Велика Британија, минатата есен официјално стана сопственик на рудникот „Саса“ кога на Лондонската берза денеска беше завршена постапката за купување на 100 проценти од „Линкс ресорсис лимитед“, поранешниот сопственик на рудникот.