Македонија вработува моментално како проект е активен во втората фаза, а штом се формира влада најверојатно ќе се подготви нов дел со нови мерки и поволности за невработените, но и работодавачите, порача Слободанка Алексовска од Центарот за вработување Скопје при АВРМ.

„Во моментов мерката Македонија вработува 2 е онаа што работодавачите и невработените лица можат да ја искористат. Се очекува носење на нов оперативен план за 2017-та година и затоа е потребно што побрзо да се формира новата Влада за да се усвои овој оперативен план и да се премине понатаму со реализација на мерките за вработување и намалување на невработеноста“, изјави Алексова во емисија на ТВ Нова.

Одложувањето на политичка разршеница по изборите, но и особено по долгата политичка криза не и дозволува на економијата да порасне со целиот потенцијал, што е и проблематично за инвестициите, како и за отварањето на нови работни места.