Завеаните патишта од снежните наноси низ Македонија се расчистени, објваи утринава „Македонија пат“ откако синоќа сообраќајниот пат на поголемиот дел од земјате беше парализиран.

Најинтензивно се работеше на патот Битола - ресен, каде што падна снег од 15 сантиметри, а имаше и инциденти, како излизган камион, кој потоа требаше да биде извлечен.

Од „Македонија пат“ најавија дека ќе работат цела вечер до рано изутрина.

Укинати се сите забрани и ограничувања на патиштата што беа предизвикани од снежните врнежи и сообраќајот е нормализиран на сите патни правци. Врнежите од снег се престанати на секаде.

Диспечерскиот центар на ЈП „Македонија пат“ утринава соопшти дека сообраќајот на државните патишта се одвива по влажни коловози, а наместа со остатоци  од кашаст снег.

ЈП „Македонија пат“ апелира на внимателно возење и прилагодување на брзината  спрема условите на патот.