Членството на Северна Македонија во НАТО, најверојатно, нема да биде официјализирано на самитот на 3 и 4 декември во Лондон.

Очекувањата што техничкиот премиер на Шпанија, Педро Санчез му ги пренесе на премиерот Зоран Заев во рамките на Генералното собрание на ОН во Њујорк - дека парламентот во Мадрид можеби ќе може да го ратификува Протоколот за членство во Северна Македонија во НАТО пред Самитот во Лондон, веќе се паднати во вода, пишува 360 степени во Алсат.

Причината е што Шпанија ќе одржи предвремени избори на 10-ти ноември.

Веќе е познат датумот за формирање на новиот шпански парламент, со првата седница закажана за 3 декември, денот кога започнува Самитот на НАТО во Лондон.

Шпанија може да биде единствената членка на 29-те земји-членки на Алијансата која нема да може да го ратификува протоколот до декември.

Досега протоколот за членство во НАТО за Северна Македонија е ратификуван од 21 земја-членка на Алијансата.