Македонија е на листата земји на Србија која важи за земја со бесплатни патарини. Блиц.рс направиле темелна анализа за тоа колку ќе ги чинат патарините Србите на пат до околните мориња, при што за земјава е наведено дека е бесплатна дестинација, за разлика од другите држави каде што се плаќаат патарини. 

Еве што навеле Блиц.рс за патувањата во Македонија.

Граѓаните на Србија преку Северна Македонија поминуваат бесплатно.

Од 15 јуни годинава, до 15 август, граѓаните на Србија ќе добијат картичка на границата со 760 денари за плаќање патарина на автопатот „Пријателство“, што го прави бесплатното техничко патување низ Северна Македонија.

Врз основа на податоците од 2019 година, Северна Македонија обезбеди 2,9 милиони евра за производство на бесплатни картички за српските туристи кои ќе можат да ги користат во текот на летната сезона, пишуваат македонските медиуми.

Владата на Северна Македонија порано вети и потоа потврди дека во текот на летната сезона, граѓаните на Србија ќе бидат ослободени од патарините во знак на благодарност за вакцините што Србија ги донираше на оваа земја.

За Бугарија, на пример, е наведено дека вињетите се задолжителни во таа држава

Во 2019 година, Бугарија воведе задолжителни електронски вињети. Достапни се дневни, неделни и месечни вињети, а има и тримесечни и годишни вињети. Во случај да немате вињета, ќе мора да платите казна од 150 до 1.500 евра.

За седумдневна вињета, треба да одвоите 8 евра, за едномесечна вињета 15 евра, за тримесечна вињета 28 евра и за годишна вињета 50 евра.

Извор. Блиц.рс