Фудбалската репрезентација на Македонија за прв пат ќе игра во бараж за пласман на едно Светско првенство, откако во последното коло од својата квалификациска група вечерва со 3-1 го совлада Исланд на арената „Тодор Проески“ во Скопје.

Езгијан Алиоски ја затресе мрежата на противникот уште во 7 минута, а гостите го израмнија резултатот во 54 минута преку јон Дагур Торстеинсон. Потоа стапи на сцена „дијамантот“ Елиф Елмас“ со два прекрасни погодоци. Првиот во 65, а вториот во 87 минута, откако во меѓувреме во 79 минута по еден негов маестрален потег Исак Јоханесон доби исклучување.

Црвено-жолтите за прв пат ќе играат во една нокаут-фаза по регуларен пат преку натпревари со противници од повисоки ешалони. Претходно, македонската селекција играше на Европско првенство, но таму се пласираше преку Лига Европа.