Во повеќе делови на Македонија има активни пожари. 

Пожарите во околината на Македонски Брод се ставени под контрола, но поради топлото време не се исклучува можноста од нивно проширување. Во селото Волче гори дабова шума, сува трева,  а пожарот се шири кон местото викано Сува Гора. Во кризното подрачје Чашка каде имаше пожари на неколку места, во изминатото деноноќие  дел се изгаснати. Активен е  и пожарот на Горна Јакупица и Горно Јаболчиште. Во гаснењето на пожарот се вклучени и авионите на ДЗС.

Активни пожари има и во село Грачани, скопско, но и во Кавадарци во село Галиште. Гори и во полошкиот регион. Пожар има и во атарот на село Дрен каде гори нискостеблеста дабова шума.

Инаку, во меѓувреме на сила е забраната за движење во шуми за што се пропишани и високи казни.