На 43-годишниот македонски државјанин, кој го призна убиството на 45-годишната жена на грчкиот остров Крит, денеска судот му одреди притвор по заедничка одлука на истражниот судија и јавниот обвинител.

Осомничениот се товари за убиство со умисла, а пред истражните органи во Ханија изјавил дека злосторството било извршено по расправија со жртвата и дека не било однапред испланирано. Според грчките медиуми, тој во својот исказ побарал прошка од семејството на убиената.

Убиството го извршил на 30 мај, истиот ден кога исчезнала 45-годишната Ставрула Левендаки. Случајот беше расветлен минатата седмица, кога 43-годишниот М.Л., кој со години живее и работи на Крит и последните четири години бил потстанар во куќата на жртвата, го признал делото во текот на предистражната постапка.

Инаку, сопругата тврдеше дека тој е невин, иако го признал делото.