Претседателот на здружението „Македонско-бугарско пријателство“, Добре Митрев, соопшти дека Македонците со бугарски пасош, односно со бугарско државјанство, може да се вакцинираат против Ковид-19 во Бугарија преку регистрација на интернет порталот „COVID-19 Регистрация за ваксинация“.

Од таму објавија дека заинтересираните ќе можат да го одберат видот на вакцината, местото и времето за вакцинирање, при што за влез во Бугарија ќе им биде потребен негативен тест издаден од овластените здравствени установи во земјава.

Регистрацијата на платформата се одвива во четири чекори - прво со пополнување на  личните податоци, потоа со избор на вакцина, избор на центар за вакцинација и на крај терминот за администрација на вакцината.