Се вративме од Хрватска, дојдовме во нова средина, по што се случи моето дете во градинка да биде малтретирано, раскажува мајка на дете кое трпело тортура од врсници. 

„Отидов таму и разговарав, по што проблемот беше решен за среќа. Потоа во училиште истото се случуваше, мавање со гуми, тетратки, фрлање очила, и што уште не. Прво му вршев притисок на моето дете, но откако видов дека не бива, му реков дека прво треба да игнорира, па да ги опомене и ако треба да се брани од нив. Тука не можеме ништо, секогаш се наоѓа оправдување дека е детска игра“ – вели родител.

Во Македонија неодамна беше актуелен случајот со девојчето кое во „Ѓорѓија Пулески“ го исфрлија ученици преку прозорец, а од училиштето тврдеа дека немало лоша намера и дека се работело за детска игра, иако девојчето имаше повреди. Претходно во Неготино, девојчиња тепаа соученичка, а се појави и уште едно видео подоцна на кое се гледа како девојчиња си удираат шлаканици и клоци. 

Драги Змијанац: Врсничкото насилство не престанува на улица или во училиштето, тоа продолжува и на социјалните мрежи