Пратеникот Хари Локвенц денеска им се обрати на тутунопроизводителите и ги потсети дека на 17 април им се исплатени 27 милиони евра субвенции, откако вчера Комисијата за спречување на корупцијата на седница донесе одлука да испитува дали е дозволена ваква трансакција во предизборен период.

„Само од зголемувањето на субвенциите по класи тутун, годинава влегуваат околу 5 милиони евра повеќе пари за производителите на тутун. Од тие пари најголем дел завршуваат во прилепскиот регион како најтутунарски во државата. Субвенциите минатата година се исплатија на 17 април, годинава на 16 април. Како и минататата година, и годинава субвенциите се исплаќаат на еден месец пред почетокот на новата сезона, односно тогаш кога им се најпотребни на тутунарите за да ги реинвестираат во новата реколта“, истакна Локвенц.

Тој воедно го најави и првиот круг од претседателските избори в недела со порака дека граѓаните треба да изберат „напредок, повеќе пари и сигурна иднина“.