Заменик генералниот директор на ЈП Национални шуми, Кире Михаилов, во гостување на ТВ Сител откри дека пожарите ги ширеле и пренесувале запалени животни.

„Во текот на изминатите месеци видовме се и сешто. Од глувче запалено кое ни пренесе пожар, до лисица со запалена опашка во велешко ни направи страшна работа. Скакулците би сакал да ги продискутираме во текот на таа изјава што беше дадена од нашите вработени, неколку професори ми се јавија кои што кажаа дека постојат такви вештачки бубачки кои навистина можат да пренесуваат пожари. Јас искрено се сомневам дека ќе треба да направиме добра анализа во тој дел, можеби има и нешто такво, рече Михаилов во гостувањето на ТВ Сител.