Либералната партија соопшти дека се среќни што денеска Левица ја прифатиле нивната иницијатива за потпишување на меморандум со кој партиите ќе се обврзат да не коалицираат со владејачката ВМРО-ДПМНЕ ни пред ни по изборите и на тој начин ќе се спречат можни комбинации кои не би им одговарале на гласачите. 

„На Левица ова им го предложивме одговарајќи им за нивната иницијатива за граѓански листи на 6 октомври. Добро е што барем дел од опозициските партии сфатија какво е значењето на оваа јавна декларација, а се надевам дека истото ќе го прифатат и социјал-демократите. Уште побитно е што со ваква јавна декларација ќе ги пресретнеме сите обиди за изборен инженеринг во десницата. На овие избори ни треба јасен изборен резултат и пораз на власта, а не избори како повод за широки коалиции и продолжување на кризата“, изјави претседателот на Либералната партија, Ивон Величковски.

Засега постои шанса ФРОДЕМ заедно со повеќе помали десничарки партии да излезе со коалиција на изборите против ВМРО-ДПМНЕ, а се чека потврда и од Стојанче Ангелов од Достинство, додека пак ВМРО-НП најверојатно ќе коалицира со власта. Инаку на претходните избори се покажа дека добар дел од десничарите во опозиција потоа преминуваат во ВМРО-ДПМНЕ и добиваат високи јавни функции за возврат.