Oд партијата Левица велат дека загрижувачки е што лидерот на ВМРО-ДПМНЕ, Христијан Мицкоски како и шефот на државата Стево Пендаровски бараат гаранции од Европската Унија (ЕУ). 

„Што ако Прогласот на АСНОМ стане барање понатаму за Бугарите? Би ја потсетил јавноста, дека со Преспанскиот договор, зборовите во преамбулата: „одлуки на АСНОМ“, се менуваат со: „Прогласот од Првото заседание на АСНОМ“, вели портпаролот на Левица, Амар Мециновиќ, во гостувањето на утринската емисија „Утрински печат“.

Иако се сметаше дека Македонија ќе избегне проблеми, сепак според партијата на повидок се нови проблеми.

Македонија мора да направи уставни измени, да ги внесе Бугарите во Уставот, за да продолжи на патот кон ЕУ.