ЛЕВИЦА ОБЈАВИ СНИМКА - велат дека „параполициските структури на СДСМ“ малтретирале граѓанин на Мечкин Камен кој свиркал, а полицијата едвај реагирала
Политичката партија Левица обвинува декам, како што ја нарекув аат, партиската полиција на СДСМ малтретирала граѓани на Мечкин Камен, на прославата на Илинден.
„Хибридниот режим вчера во целост демонстрираше како насилнички се брани од незадоволството на обичните граѓани - преку мобилизација на партиски бандити и криминалци да ја штитат врхушката на власта!
Мизерно, срамно и недостоинствeно беше на вчерашната приватна забава на Владата на Мечкин Камен, каде беа присутни повеќе полицајци, отколку граѓани. Ангажираната параполициска структура на СДС, од која дел беше директно предводена од директорот на затворот во Шутка со криминално минато, Филип Андон (Сокол), се закануваше и малтретираше граѓани цело време - додека полицијата одвај реагираше!
Полицијата во одбрана на режимот, ги одзеде и транспарентите на активистите на Левица, на кои пишуваше „Предавници - фашисти, Клети - Врховисти”, затоа што во новата реалност тоа било говор на омраза, како што тврдеа самите полицајци.
На голем дел од медиумите им беше забрането да присуствуваат на манифестацијата, а оние медиуми кои присуствуваа го цензурираа свиркањето против премиерот Ковачевски.
Окупационата влада на СДС со сите свои репресивни методи, па дури и преку ангажирање партиски бандити, се обиде да го пригуши револтот на народот.
На видеото јасно се гледа како параполициската багра на СДС се заканува на обичен граѓанин затоа што свирка против власта, по што одвај реагира полицијата. Кога активистите на Левица дојдоа во судир со бандите на СДС, полицијата само немо набљудуваше и не реагираше!
Северна Македонија единствено може да постои само како окупација - како што беше и формирана и тоа вчера јасно беше демонстрирано“, пишуваат од Партијата на Димитар Апасиев на фејсбук.
Во прилог споделија и видео, погледнете го.
Слично
Поврзани вести
