Насер Зибери за свои потреби како Народен правобранител набавил автомобил од американскиот бренд Jeep Compass, за кој се потрошени 2,4 милиони денари, или близу 40 илјади евра пари на граѓаните, тврди Левица.

Според партијата, автомобилот има вградено радио со екран на допир, предупредување за замор кај возач, адаптивен темпомат, препознавање на сообраќајни знаци и слично.

– Досега, во возниот парк на оваа институција беа застапени возилата од марките Фолксваген, Шкода и Пежо. За функционирање на возниот парк во просек годишно се трошат над 40 илјади евра за гориво, осигурување на патници, резервни делови, поправки, технички прегледи и слично. Колку ли сега оваа луксузирање дополнително ќе ги чини граѓаните, реагира Левица.