Од политичката партија „Левица“ соопштуваат дека поднеле иницијатива до Уставниот суд со која ја оспоруваат контраверзната владина одлука за доделвуање на земјиште за изградба на ветерни и соларни електрани во зони на заштитено подрачје на изворите на Студенчица. 

Како што објавуваат на нивниот Фејсбук профил ова поддрачје е од огромен јавен интерес и во истото досега не било дозволно да се градат објекти заради заштита на здравјето на над 10 проценти од популацијата во Македонија

- Ја известуваме јавноста и граѓаните на Македонски Брод, Кичево, Прилеп, Долнени и Пласница дека партијата Левица поднесе иницијатива до Уставниот суд на Република Македонија, со која ја оспорува контроверзната владина одлука за доделување на земјиште за изградба на ветерни и соларни електрани во зони на заштитено подрачје на изворите на Студенчица.

Од партијата додаваат дека со оваа иницијатива „недвосмислено покажуваме дека јавниот интерес е императив пред бизнис-интересите на елитата и дека ќе ги искористиме сите механизми за да ги зачуваме здравјето, благосостојбата и пристојниот живот на македонскиот народ“.

- За разлика од бизнис-партиите кои ги застапуваат интересите на олигархијата во Македонија, Левица секогаш ќе се става на страната на обесправените слоеви - пишува на крај во објавата на „Левица“.

Фото: Принтскрин/Фејсбук