Лидерот на Левица,Димитар Апасиев, денеска објави дека професорката Билјана Ванковска е избарана да биде кандидат за претседател на претседателските избори напролет која ќе ја има поддршката од оваа опозициска партија.

- Левица прва го обзнани својот кандидат и им фрлама ракавица на буржоаските партии, а тоа е професорката Билјана Ванковска. Интерните анкети покажаа дека таа е најдобар кандидат, рече Апасиев.

Ванковска рече дека понудата ја прифатила со задоволство и дека нејзината визија е иста како онаа на опозициската партија, иако не е нејзин член.

- Им благодарам на Левица која ми ја даде довербата и одговорноста. Иако не сум член на партијата, јас се чувствувам како дел од тимот. Знаете дека јас се обидов еднаш да учествувам на претседателските избори како независен канидат и им благодарам на тие неколку илјади граѓани кои го дадоа својот потпис во Државната изборна комисија, кажа професорката.

Таа додаде дека во кампањата ќе промовира левичарски, но и сопствени идеи.