Левица бара одговори за тендер на општина Аеродром: Дали позади овој тендер се крие коруптивна зделка?
Претставниците на политичката партија Левица преку својот Фејсбук профил прашуваат зошто општина Аеродром плаќа дури 20 илјади евра за изнајмување на принтери.
Во нивниот пост тие укажуваат дека на распишаниот тендер победила компанија која има само он лајн продавница, но нема податоци за сопствеништво, ниту директор ниту продавници за посета.
- 20.000 ЕВРА ЗА ИЗНАЈМУВАЊЕ ПРИНТЕРИ КАКО ШЛАГ НА ТОРТА ЗА КРАЈ НА ГОДИНАТА - стои во насловот на објавата.
Од многуте недомаќински бисери на градоначалникот на општина Аеродром Тимчо Муцунски, деновиве осамна најновиот “бисер“. Имено, општината распишува тендер за изнајмување на фоткопир машини во висина од скоро 20.000 евра. Тендерот го добива претпријатието ДОО Стерна – увоз-извоз.
Ако земеме предвид дека цената на еден фотокопир апарат се движи од 300 евра за користен апарат, па до 3000 евра за нов апарат со повеќе од пристојни перформанси, тогаш не можеме, а да не се запрашаме - Зошто општината треба да изнајми копир апарати, наместо истата сума да ја потроши за набавка на нови и на тој начин трајно да го реши проблемот?
Јавно го прашуваме градоначалникот зошто изнајмување, а не купување на фотокопир машини?? Дали позади овој тендер се крие коруптивна зделка?? Што се крие зад овој нелогичен тендер?? - пишува во објавата која може да ја видите во продолжение.
Слично
Поврзани вести
