Лавина кај Бигорскиoт манастир го прекина сообраќајот од Маврово кон Дебар. 

Таа паднала во близина на манастирот, неколку стотини метри пред бензинската.

Засега нема информации колкава количина на снег, камења и дрвја паднала на коловозот, но се знае дека екипи на „Македонија пат“ и друга механизација се упатени на местото за да обезбедат проодност.

Управата за хидрометеоролошки работи (УХМР) најави дека врнежите од снег од попладне ќе засилуваат, особено во западните и северните делови на Македонија. Во овие делови на земјата снежната покривка дополнително ќе се зголеми за 10 до 20 сантиметри, а на планините и повеќе од 20 сантиметри.

Во Европа лавини и снежно невреме убија над 13 луѓе во Австрија и Германија.