Минатата недела Драган Павловиќ-Латас и јутјуберот Стефан Лазаров добиле ослободителна пресуда  за контроверзниот поткаст во кој што гостинот раскажуваше за злоставување и силување девојка во комичен контекст.

Спорниот подкаст беше снимен, односно емитуван на 14 февруари 2023 година. Првично, двајцата добија осудителна пресуда во Кривичниот суд Скопје.

​Од Судот за СДК потврдија дека во повтореното судење, судијката Дијана Груевска-Илиевска донела ослободителна пресуда. 

Двајцата се ослободени согласно член 403, став 1, точка 1 од Законот за кривична постапка. Според наведениот член, делото за кое се обвинети не е кривично дело.

Обвинителот Даниел Коцев ќе поднесе жалба до Апелациониот суд Скопје. ​По подкастот на 14 февруари 2023, Секторот за компјутерски криминал при Министерството за внатрешни работи (МВР) веднаш достави известување до скопското Обвинителство, беше отворена истрага, а подкастот беше отстранет од Јутјуб.