Метеоролошкиот феномен Ла Ниња кој носи поладно и поврнежливо време во нашиот дел од Европскиот Континент ќе продолжи и ќе го имаме во текот на целата оваа 2025 година, што значи оваа 2025 година кај нас ќе биде поладна, поврнежлива и со чести временски непогоди, а можни се  и екстремни количества на врнежи кои би можеле да условат и поголеми поплавувања, вели метеорологот Славчо Попоски.

„Балканот од ова би можел да биде  и најпогоден, но и поголем дел од Европскиот Континент, каде ќе има чести врнежи и поладно време.

Токму поради ова, можна е појава и на доцни мразеви во текот на оваа пролет во нашиот дел од Европа. Дури можна е појава  и на пролетни снегови на Балканот, вклучувајќи ја  и нашата Република Македонија.“ објави тој.