Објектот е изграден со финансиска поддршка на УЕФА и Владата на Република Македонија. - Постои една мисла која гласи: „Започнете го она што е неопходно, правете го она што е возможно и ќе го направите невозможното“. Како Влада направивме големи инвестиции во фудбалот и спортот воопшто. Изградени се 40 игралишта, арената Филип Втори, салата Борис Трајковски, како и многу тениски и повеќенаменски игралишта. Како дел од големите вложувања во спортот на владата е и „Куќата на фудбалот“. Ова е спортска инвестиција која ќе им зборува на идните генерации за вложувањата и грижата на Владата за фудбалот и спортот воопшто, изјави премиерот на Република Македонија, Никола Груевски.