Министерката за одбрана, Славјанка Петровска која пред два дена си го вдоми црното кученце кое, додека таа држеше говор во Воената академија „Генерал Михаило Апостолски“ се качи на бината веќе е однесено на ветеринар и вакцинирано и се вика Стела.

По коментарите дека министерката го земала само за да собира политички поени и дека кученцето повторно е на улица, Петровска на фејсбук објави фотографија и напиша:

-Ширете љубов, а не омраза и лаги, затоа што тоа што го ширите тоа ќе ви се врати. Дона беше моето прво куче, кога имав 3 години, потоа миленичиња ми беа Доли, Ава, Аба, Коки...а сега Стела.

Во изјава за Мета таа објасни како одлучила да си го земе кученцето и каде ќе го чува:

-Додека траеше настанот, го здогледав кученцето како се вртка околу построените кадети. Баш беше слатко и си помислив, ако се качи на бина, ќе си го земам. Кога почнав јас да држам говор, кученцето се качи на бина и го засени настанот. Веќе знаев дека ќе си го земам, а подоцна откако ветеринар кажа дека е девојче, решив да си ја викам Стела, оти беше вистинска ѕвезда на настанот. Стела е однесена е на ветеринар, вакцинирана е и прочистена од глисти. Си ја чував денеска во канцеларија, си трчкаше наоколу. Планирам да ја чувам и овде и дома. “, раскажува Петровска за мета.