Крмов: Извори на „Левица“ велат дека ВМРО-ДПМНЕ ќе гласа за уставни измени
Според извори на „Левица“, ВМРО-ДПМНЕ се договорила за уставните измени, само копјата се кршат дали тоа ќе се случи пред или по изборите – изјави пратеникот Борислав Крмов во изјава за ТВ Стар.
- Од наши извори коишто ги имаме, ВМРО ДПМНЕ се има согласено за уставни измени, само се кршат копјата дали ќе бидат пред или после избори. Затоа што пред избори повеќе им одговара на СДС, после избори на ДПМНЕ. Сите партии, освен Левица, суверенитетот не го бараат кај народот, туку кај странските амбасади, изјави Крмов.
Според Крмов, извори на „Левица“ велат дена овој пат нема да има пребегување на пратеници од ВМРО-ДПМНЕ, туку ќе гласа цел парламент освен Левица.
- ВМРО-ДПМНЕ има изгубено околу 100.000 гласа после Преспанскиот договор. Ако уште едно предавство како со Преспански се случи, со учество на ДПМНЕ, тие ќе влезат во процес на распаѓање – пасокизација, слично како што е моментално СДС. ДПМНЕ има едно осипување после Преспански, ако се дрзнат на уште едно предавство, за измени сега на Уставот, и ДПМНЕ ќе влезе во процес на распаѓање
Потоа ќе остане само Левица како политички субјект којашто ќе ги собере сите прогресивни сили и од лево и од десно, кои сакаат да пружат отпор, смета Крмов.
Слично
Поврзани вести
