СВР Скопје го расчисти случајот со опожарувањето на две дипломатски возила во сопственост на Амбасадата на Република Бугарија во Скопје.

Кривичното дело беше извршено на 15 јуни 2026 година, а вчера Одделението за криминалистички работи Центар и Бит Пазар поднесе кривична пријава по итна постапка против И.Д.С., 44-годишник од Скопје.

Тој се сомничи за кривично дело „предизвикување општа опасност“. Основниот кривичен суд го прифати барањето на Обвинителството и му одреди осумдневен притвор.

Според МВР, во текот на истрагата беа обезбедени материјални докази, меѓу кои снимки од видео надзор од повеќе локации, како и облеката што осомничениот ја носел во моментот на извршување на делото.

Од МВР информираат дека осомничениот во полициска станица го признал извршувањето на кривичното дело.