КРИВИЧНА ПРИЈАВА ПРОТИВ ЧЕТИРИТЕ МАЛОЛЕТНИЧКИ ОД ЃОРЧЕ ПЕТРОВ ЗА НАСИЛСТВО - МВР најави пријави и за родителите
Покрената е кривична пријава против четири малолетнички за насилството врз девојче во Ѓорче Петров, објави Министерството за внатрешни работи.
- На 29.04.2026 Единицата за внатрешни работи Ѓорче Петров при СВР Скопје до ОЈО Скопје поднесе кривична пријава против четири малолетнички (една 17- годишна и три 14-годишни) сите од Скопје, поради основи на сомнение дека извршиле две кривични дела „насилство“ предвидено и казниво по член 386 од КЗ.
Во два одделни настани, на 27.03.2026 и на 30.03.2026 година пријавените физички нападнале 13-годишна малолетничка, а видео запис и фотографии од настаните биле објавени на социјална мрежа - се посочува во објавата на МВР.
Од таму додаваат дека кривичната пријава е доставена до ОЈО Скопје и се постапува согласно Законот за правда за децата.
Од МВР објавуваат дека се подготвува кривична пријава и против родителите.
- Во текот на утрешниот ден (05.05.2026), СВР Скопје ќе поднесе кривична пријава и против родители на инволвираните малолетници - се посочува во објавата.
Слично
Поврзани вести
