Општинскиот кризен штаб на Крива Паланка побара полицискиот час во овој град да започнува од 19.00 часот, откако бројката на регистрирани случаи на Ковид-19 е во пораст во изминатите неколку денови, односно по околу десет случаи дневно е просечната борјка на заразени.

Општинскиот кризен штаб побара воведување дополнителни мерки на територијата на општината, со засилени контроли од надлежните служби.

– Бараме од Централниот кризан штаб полицискиот час да биде од 19 часот наместо од 22 часот. Апелираме ОВР Крива Паланка да продолжи со редовни контроли со физичко присуство кај заболените и изолирани лица, а не селективно, и да постапуват поригорозно по однос на изрекување на рестриктивни казнени мерки за непочитувачите на забраната и наметнатите задолженија и обврски, изјави Изабела Павловска, претседател на општински кризен штаб, Крива Паланка.

Од таму побараа и погоелма помош, односно ажурност од Државниот пазарен инспекторат на територијата на оваа општина.