Кристоф ле Риголер: Реформите не треба да бидат само на хартија
Франција нуди експертска и институционална поддршка за реформите, но отворањето кластери во македонските преговори со Европската Унија(ЕУ) е условено од уставните измени. Ова е период кога ЕУ покажува зголемена подготвеност за проширување, вели францускиот амбасадор во Скопје, Кристоф ле Риголер во интервју за РСЕ.
„Се разбира и во секој случај знаете дека тоа е постојан став на Франција, постојано да се дава техничка помош и поддршка на земјите кандидатки. Тоа се случило многупати во минатото и Франција не е сама во рамки на ЕУ, којашто активно работи во Северна Македонија и ја дава својата експертиза. Имаме неколку алатки на располагање и тројца меѓународни технички експерти коишто работат во Министерството за европски прашања, Министерството за животна средина и Министерството за правда и веќе имате една идеја за темите и приоритетите на нашата активност и соработка. Исто така сме вклучени во реформа на јавната администрација, затоа што минатата година потпишавме со Министерството за јавна администрација договор за соработка и работиме за подготовка на новата академија за администрација во Северна Македонија“, рече амбасадорот.
Кажа дека реформите не треба да бидат само на хартија.
фото принтскрин РСЕ
Слично
Поврзани вести
