Караницата во студиото на телевизија „Канал 5“ при синоќешното гостување во емисијата „Само вистина“ на поранешниот пратеник Исмет Рамадани, ја разбранува македонската јавност. 

Многу граѓани, но и активисти и познати критичари синоќа или рано утрово објавија свои постови за ставовите на Рамадани, но и за одлуката на директорот Иван Мирчевски да го избрка од емисија. 

Дека постапките на Рамадани се неоправдани смета и професорката Мирјана Најчевска, која потенцира дека поранешниот пратеник треба да одговара за поттикнување етничка и национална нетрпеливост.

- Исмет Рамадани треба да одговара за поттикнување на етничка и национална нетрпеливост.

И не, етничката припадност не смее да биде заштита од било која критика и адут кој се вади при пососчување на криминалните активности на било кого во власта.

Во моментот кога етничките Албанци добија високи функции во власта граѓаните добија право да ги критикуваат и повикуваат на одговорност, не затоа што се етнички Албанци туку затоа што се на такви позиции од кои решаваат за правата на сите граѓани во Македонија.

Дискриминацијата врз етничка основа е недозволлива во едно современо општество, меѓутоа затскривањето на криминалот со повикување на наводна етничка дискриминација е облик на разгорување на нетрпеливост врз етничка основа - напиша Најчевска на својот Фејсбук профил.