Се влошува кредитното портфолио на банките, односно расте сумата на нефункционални и прoблематични кредити. Во последниот, најнов извештај на Народната Банка, заклучно со третиот квартал од 2014 та година, нефункционалните кредити се зголемиле и на годишна и на квартална основа. “Квалитетот на кредитното портфолио на банкарскиот систем, следен преку промените на нефункционалните кредити на нефинансиските субјекти се влошува, како на квартална така и на годишна основа но со различно темпо забрзување на  влошувањето на квалитетот на годишна основа, а негово  забавување на квартална основа.“ се посочува во Извештајот на НБРМ. Според анализата на НБРМ, растот на нефункционалните кредити кои достигнаа 12,2%, е генергиран од растот на проблематичните наплати од претпријатијата, односно фирмите. “Кај претпријатијата ова учество се искачи на 16,9%, што е највисоко ниво после2006 година.“ – костатира НБРМ. Еве кај кои сектори е регисриран пораст на нефункционалните кредити: трговија на големо и мало, индустрија, градежништво,  и дејности во врска со недвижен имот. “Во октомври 2014 година, годишната стапка на раст на нефункционалните кредити достигна 16,2%“ – информираат од НБМ. Кредитните картички - тешки за отплата ! За разлика од приватниот сектор, кај домаќинствата е регистрирана стагнација на салдото на нефункционални кредити, но во однос на структурата, има раст на прблематичните наплати по основ на долгови за кредитни картички. “Нефункционалните кредити на домаќинствата и натаму се на исто ниво, а во нивни рамки се зголемија нефункционалните потрошувачки кредити и кредитите врз основа на издадени кредитни картички, при истовремено намалување на нефункционалните автомобилски кредити“ – посочуваат од НБРМ. Во третиот квартал се забележува позначаен пораст на реструктуираните нефункционални кредити. Овие кредити зафаќаат 28,2% од вкупните нефункционални кредити. Скоро 12% од нефункционалните кредити биле преходно пролонгирани а речси една четртина, или 30% од претходно пролонгираните кредити добиле нефункционален статус. Сумирано, нефункционалните кредити коишто претходно биле пролонгирани и реконструираните кредити зафаќаат 39,5% од вкупните нефункционални кредити. Во третиот квартал биле отпишани долгови во вредност од 271 илјада евра, што е најниско ниво во последните пет години. А.Д.