Јован Ване Петров вработен во Центарот за социјални работи – Кратово, се заканувал на Фросина Ременски додека ја обавуваше функцијата министер за труд и социјална политика, а сега се заканува и на лидерот на СДСМ, Зоран Заев преку социјалните мрежи. 

Тој пишува дека без разлика дали има обезбедување, Заев ќе биде „ловен“. Кратовчанецот на Фејсбук има и фотографија од Ќосето. 

„После оваа јавно искажана закана по живот кон Зоран Заев и други, вбројувајќи се лично како ловџија во „ловот“ за убиство; и по неговата јавна потврда дека неговиот профил не е лажен, го повикувам ОЈО по службена должност да постапи на соодветен начин.  Му напишав порака на неговиот надреден, Ибрахим Ибрахими во која му укажувам дека, има обврска да укаже и да ги укори поведенија кои го рушат угледот на МТСП и центрите и е неетичко/казниво поведение, иако не верувам во неговото постапување, бидејќи ја знам неговата и улогата на неговите во овој, за нив „лов“, за за сите други патологија и срам“ - пишува Ременски на Фејсбук. 

Таа очекува надлежните да преземат мерки против лицето кое се заканува на социјалните мрежи.