Биг Мајк, aмериканскиот Крал на марихуаната сака да инвестира во Македонија. 

Тој деновиве престојувал во главниот град и на својот профил на Инстаграм сподели видеа и фотографии од средба со претставници на централната и градската власт.

Се сретнал со премиерот Зоран Заев, а потоа и со градоначалникот на Општина Центар, Саша Богдановиќ, но и со министерот за здравство, Венко Филипче.

„Македонија има голем потенцијал, возбуден сум да ви најавам дека земјата ќе ја направам европска суперсила на канабисот“ – пишува Мајк на својот Инстаграм профил. 

Majк е еден од најбогатите луѓе во САД кои се занимаваат со производство на канабис за медицински и рекреативни цели.

Тој е познат бизнисмен во САД со бизнисот и лобирањето за легализација на канабисот за медицински цели. Мајк е извршен директор на „Адванс нутриентс“, компанија која е призната како светски лидер во истражување и развој на хранливи материи и додатоци специфични за марихуаната. 

Целосното име на овој лик е Мајкл Страумитис, а самиот тој се нарекува „Марихуана Дон“.