Со врачувањето на уверението од страна на Државната изборна комисија до новоизбраниот претседател на Македонија, Стево Пендаровски, заврши можноста досегашниот шеф на државата Ѓорѓе Иванов да посегне по амнестија за осудените и осомничените од крвавите настани во Собранието на 27 април.

Денеска завршија и индиректните потсетувања кои пристигнуваа на адреса на Иванов, а откако не беше испратен сигна дека ќе има помилување тој беше нападнат од опозициските кругови дека од една страна прифатил да не дава амнестија, а за возврат за тоа да не биде гонет. Истовремено од СЛужбата за општи и заеднички работи веднаш бил известен по неговото барање дека по завршувањето на неговата функција ќе добие канцеларија и пензија од 100.000 денари месечно.

Медиумите блиски до поранешниот премиер Никола Груевски до вчера го „советуваа“ претседателот да им даде аболиција на осудените. Според нив, Иванов бил заплашен и уценет, поради што „ќе ги остави на цедило сите луѓе кои се под политички прогон“.