Македонскиот премиер Димитар Ковачевски денеска од Куманово порача дека тоа што денес го прават, ја одредува иднината на нивните деца. 

За секој кој го почитува македонското минато, вели дека ова е патоказот. Тој зборуваше за формирањето на првите паризански одреди. 

„Данокот на оваа победа е во крв, страдања и загуби на луѓе, домови, и огромни економски штети. Но, денешна Македонија постои благодарение на ова“, рече Ковачевски. 

Вели дека како граѓани мораме да бидеме вечно благодарни и да ги  почитуваме борците од НОБ. Рече дека и во 2011 и 2017 година застанале на вистинската страна, кога Македонија ја извлекоа од изолација.  Ковачевски  вели дека членството во ЕУ ни е потребно за да може државата да се развива.