Премиерот Димитар Ковачевски денеска оствари средба со Македонци од месноста Голо Брдо од Албанија на кои им донираше машина за чистење снег и сијалици за улично осветлување.

Како што информираат од службата на Владата, ова е барање од заедничкиот договор на Македонците, од овие краеви. Од таму додаваат дека станува збор за Акцискиот план за поддршка на Макеоднците од Голо Брдо и Пустец за подобрување на условите за живеење на етничките Македонци во Албанија.

„Денес имав убав повод за средба со нашите Македонци и во рамките на ова средба практично направивме донација од машина која што ќе ја користат во текот на зимските месеци за чистење на снегот и улично осветлување, вкупната донација е од 1 милион денари и таа веднаш ќе биде предадена и ќе биде користена во Голо Брдо како и во другите општини кој што се населени со Македонци, сакам уште еднаш да им посакам добредојде на  нашите сограѓани на нашите македонци кој живеат во Албанија  и како и тие сами кажуваат овде се чувствуваат како дома бидејќи и Албанија и Северна Македонија се држави кој што во моментов имаат односи кој што се на исклучително високо и пријателско ниво. Добредојдовте уште еднаш и нека е со среќа“. рече Ковачевски.

Премиерот најави и отворање на граничниот премин Требиште-Џепиште кој треба да работи 24 часа.