Васко Ковачевски, долгогодишниот претседател на битолската општинска организација на СДСМ ќе може да го заземе епитетот Асли битолчанец, бидејќи ем што ќе биде нов директор РЕК Битола ем ќе биде претседател на некогашнит државен првак РК Пелистер.

Ракометниот клуб Пелистер кој има настапувано и во европските купови со новата локална власт во Битола се надева на нови спортски успеси. 

Ракометното друштво е под капа на нов управен одбор чиј претседател е Васко Ковачевски, Сашо Шамбевски е извршен директор, Златко Димитровски е назначен за спортски директор, Борче Корлевски е нов технички директор, Сашо Јанкуловски ќе биде секретар на клубот, а управувачката структура ја заокружува Ана Трифуновска како технички секретар.

Ковачевски најпрво беше избран за пратеник во новиот собраниски состав од редовите на СДСМ и потоа си поднесе оставка кога беше назначен на директорската позиција во РЕК Битола.