КОСТОВСКИ СО КАМЕРИ ЌЕ ГИ ФАЌА ТИЕ ШТО ЈА КРШАТ УРБАНАТА ОПРЕМА: Со снимките судски ќе се гонат вадалите
Градоначалникот на Бутел, Дарко Костовски објави дека во општина Бутел на локациите каде што има урбана опрема, игралишта и терени ќе се поставува видео надзор за да се спречат вандалите кои упорно ја уништуваат урбаната опрема. Видео снимките потоа ќе се користат за понатамшни постапки за гонење на сторителите.
„Изминатиот период сведоци сме на уништување на јавните површини, детските играчишта, спортско рекреативните центри, како и парковите.
Се обидовме да ја заштитиме урбаната опрема особено детските игралишта, спортските терени но по сите напори уништувањето продолжива. Дел од терените не траат ниту два месеци, се кршат детските реквизити, обрачите на спортските игралишта, се крши буквално целата урбана опрема.
За таа цел со поставување на видео надзорот, снимените докази да се користат за евентуална судска кривична или прекршочна постапка со цел да имаме намалување на девијантните појави во нашата општината.
Апелирам да си го чуваме општинскиот имот. Нашите деца и граѓаните на општина Бутел да имаат безбедни и современи услови за рекреирање и забава“, истакна Костовски.
Слично
Поврзани вести
