Марија (22) и Лазар (16) Милошевиќ, на кои за еден месец короната им го одзеде целото семејство, беа во градското собрание на Белград со градоначалничката на Земун, директорката на Центарот за социјална работа Зорица Павловиќ, а беа примени од заменик градоначалникот на Белград Горан Весиќ и директорката на Фондацијата за млади и деца од Белград, Тања Поповиќ.

Заменик-градоначалникот на Белград, Горан Весиќ за Курир.рс изјавиле дека на средбата разговарале како можат да помогнат и што Градот може да направи за нив.

„Лазар и Марија добија еднократна помош од Градот, која се дава во вакви случаи, а таа изнесува 80 отсто од просечниот личен доход, некаде околу 60.000 динари. Дополнително, започната е и постапка за ставање на помлад брат под грижа на постара сестра која е полнолетна. Вакви случаи во градот има неколку десетици и им се пружени социјални услуги. Ова се случува кога децата остануваат без родители и имаат право на месечен надоместок од градот“, вели Весиќ и додава:

„Марија не извести дека добила понуда за работа во Итната помош. Таму работел и нејзиниот татко. Таа ќе работи во Итната помош и истовремено ќе учи. Лазар доби стипендија од Земунската гимназија, која ја посетува и се договоривме Фондацијата за деца и млади од Белград да пружи помош, а тоа е реновирање на куќата која е неопходна за да продолжи да живее.

Тој наведува и дека во наредниот период Фондацијата за млади и деца од Белград ќе иницира акција за донатори и на тој начин помагање на ова семејство.

„Договорено е и да имаат контакт со градоначалникот за да можат да му упатат апсолутно се што им треба, но и до Младинската фондација за да им помогне. Инаку, општината обезбеди еднократна погребна помош. На овој начин покажавме дека се грижиме кога некои наши сограѓани ќе се најдат во ваква тешка ситуација“, рече Весиќ.

Според него, Лазар и Марија имаат роднини со кои комуницираат и кои исто така се грижат за нив, но целосно го загубиле најблиското семејство.

За само еден месец короната им го одзеде целото семејство на Марија и Лазар. Двајцата Милошевиќ преку ноќ останаа без се, семејство и љубов, но и без редовни примања и основни услови за живот.

Извор и фото: Курир.рс