МВР објави дека полицијата направила контрола на 391 возило кои вршат јавен превоз на деца вчера претпладне на територијата на целата земја, а при тоа исклучени се од сообраќај 11 возила и утврдени се 20 кривични дела.

- Притоа биле исконтролирани 391 возило кои вршат јавен превоз на деца кон училиштата на 108 локации, при што биле констатирани 20 кривични дела по член 284-а за вршење на јавен превоз без соодветна документација, и 53 прекршоци кои произлегуваат од Законот за безбедност на сообраќајот на патиштата, Законот за возила, Законот за заштита на населението од заразни болести и сл. Од сообраќај биле исклучени 11 возила поради техничка неисправност и други констатирани недоследности. 

За време на контролата на подрачјата на сите сектори за внатрешни работи биле легитимирани 469 полнолетни средношколци, а извршени се 2 457 прегледи на ученици, во однос на почитување на Законот за оружјето, Законот за правда на детето и Кривичниот законик, информира МВР.

По документирање на случаите, против сите одговорни лица кои сториле било каков прекршок или кривично дело ќе биде поднесена соодветна прекршочен или кривичен поднесок