И официјално Северна Македонија го доби новиот претседател. Кандидатот на СДСМ и коалицијата Заедно напред ќе биде на чело на државата во следните пет години.

Финалниот изборен резултат според Државната изборна комисија е 436.212 гласови освоени за Стево Пендаровски или процентуално 51,66% додека кандидатката на опозицијата Гордана Силјановска Давкова освои 377.713 гласови или 44,73% од вкупниот број на избирачи. 

 Вкупно на гласање вчера излегоа 844.365 граѓани од вкупно запишаните 1.808.131 граѓани.

Одзивот беше 46,70 отсто. Неважечки ливчиња се 30.442, односно 3,61 отсто.

Стево Пендаровски на првиот круг пред две недели имаше 322.581 глас, а Силјановска давкова 318.341 глас.

Разликата во гласовите Пендаровски ја направи во следниве општини:

Сарај 7700 гласови разлика за Пендаровски, Теарце 3200 гласови за Пендаровски, Липково 6500 гласови разлика за Пендаровски, Гостивар 7000 гласови разлика во полза на Пендаровски, Тетово 10 000 гласови разлика за Пендаровски, Струга 6000 гласови разлика за Пендаровски, Желино 3600 гласови за Пендаровски, Куманово 4000 гласови разлика во полза на Пендаровски, Долнени 2000 гласови разлика за Пендаровски, Студеничани 4000 гласови разлика за Пендаровски, Струмица 3000 разлика за Пендаровски, Кичево 3000 гласови разлика во за Пендаровски, Карпош 2 500 гласови разлика за Пендаровски и Центар 3 500 гласови разлика во полза на Пендаровски.

-Ќе се залагам за правда и правна држава. Одиме сите заедно напред и сите ќе бидеме партнери кон стабилност а не криза. Мрачната доба е зад нас-истакна Пендаровски на конференцијата за медиуми во седиштето на Бихаќка.