Комити организираат марш за Саздовски - се бара најстрога казна за сторителите
Навивачката група Комити вечерва организира протестен марш со кој ќе бара правда за нивниот член кој беше претепан и почина, Никола Саздовски - Саздо.
Тие во повик на Фејсбук објавија дека протестниот марш посветен на Никола Саздовски-Саздо почнува на плоштадот во Автокоманда и ќе се движи до Основното јавно обвинителство, каде што ќе биде прочитано известување до јавноста за неправдата, а маршот ќе заврши пред МВР. Таму симболично ќе бидат запалени свеќи во чест на Саздовски.
Тие повикуваат на најдостоинствен и мирен начин да се изрази незадоволството за селективната правда и да се издејствува најстрога казна на сторителите на грозоморното дело.
За претепувањето на 21 годишното момче се приведени две лица.По починувањето на момчето, граѓани палеа свеќи пред Собранието, а меѓу нив беше и лидерот на ВМРО-ДПМНЕ, Христијан Мицкоски.
Слично
Поврзани вести
