Во декември 2020 година  од коронавирусот починале 740 луѓе. Тоа е за неполни 4 отсто помалку од минатиот месец, кога беа регистрирани вкупно 769 смртни случаи од ковид-19. Бројките и во декември и во ноември се неколкукратно повисоки од оние во претходните месеци.

Институтот за јавно здравје вчера регистрира 741 оздравени пациенти. Најголем дел од нив се од Скопје-248. Понатаму следат Куманово-83, Дебар-7, Штип-28, Прилеп-50,  Тетово-30, Струга-32, Велес-17, Битола-25, Охрид-30, Кавадарци-41, Гостивар-27, Гевгелија-12, Струмица-20, Радовиш-12, Крушево-1, Кочани-24, Пробиштип-1,Демир Хисар-2, Македонски Брод-3, Валандово-7, Виница-2, Кратово-3, Свети Николе-8, Кичево-17, Ресен-4 и Неготино-7.

Вкупната бројка на ковид дијагностицирани во нашата земја од почетокот на епидемијата изнесува 83.329.