Со колкав имот и парични средства располагаат скопските градоначалници? Фактор во две продолженија ќе ги објави табелите за сопственоста на градоначалниците, според анкетните листови што ги приложиле во Државната комисија кога станале градоначалници.

Во првиот дел објавуваме за градоначалникот на Бутел, Дарко Костовски, градоначалникот на Ѓорче Петров, Александар Стојкоски, градоначалникот на Центар, Горан Герасимовски и градоначалникот на Карпош, Стевчо Јакимовски.

Според приложените анкетни листови, Костовски има штедна книшка, куќа која е на родителите и Мерцедес Ц класа од 2007 година.

Градоначалникот Стојкоски пак, потекнува од имотно семејство, ако судиме по приложениот анкетен лист. Има неколку имоти, станови и деловни простори, за кои навел дека се во сопственост на неговите родители. Има возило на негово име од марката Киа Каренс а има и заеднички имот, односно стан.

Герасимовски на своите деца им отворил штедни книшки во банка, а од имот има гаража, стан, автомобил Сеат Леон и акции.

Јакимовски пак, давал многу заеми, бидејќи во анкетниот лист стојат побарувања во по основ на дадени заеми. Од имот, се чини дека нема ништо на негово име. Се што има е на сопругата или на неговите деца. 

Горан Герасимовски, градоначалник на Општина Центар

Стевчо Јакимовски, градоначалник на Општина Карпош

ФОТО/Фејсбук

Извор Државна комисија за спречување корупција