На жиро сметката на Фонд на солидарност на Црвен крст, собрани се над 350.000 евра.

Овие средства се обезбедени од граѓаните со донирање на 100 денари со повик на телефоните: 075/070/077 143 400.  Со овие пари ќе им се помогне на граѓаните кои претрпеа огромни штети од невремето, оштетени им се куќите, возилата, покуќнината и друго.

Волонтери од цела Македонија помагаат за санирање на штетите од поплавите кои се случија минатата сабота.

Донираа многу компании, но и странски држави помогнаа со техничка помош и луѓе за испумпување на вода.

Синоптичарите кажаа дека вакво невреме се случува еднаш во 1000 години. Нивното објаснување беше дека „водена бомба“ се истури над делови од Скопје.