Објавата на Обвинителство дека во ѕид во домот на родителите на судијата Ѓоко Ристовски се пронајдени 350 илјади евра, предизвика бројни реакции во јавноста. 

Меѓу нив и лидерот на опозициската Левица, Димитар Апасиев, кој во кратки црти потенцираше колку голема штета е направена од дејствувањето на осомничениот судија. 

- А колку НЕПРАВДА има натрупано во тие 350.000 евра најдени кај апелациониот судија!?

Колку нарачани пресуди?

Колку одбиени жалби?

Колку заѕидани судбини? - пишува Апасиев. 

Апасиев и претходно на социјалните мрежи ја коментираше објавата дека се истражува домот на судијата, но и на неговите родители, и дека тој се поврзува со примање мито од адвокатот и пранешен државен правобранител Фехми Стафа.

- И не, не е најлошото што му нашле огромна сума пари од МИТО... Најлошото е што Судскиот совет го има ослободено од дисциплинска одговорност, иако јавна тајна беше дека е корумпиран (како и други негови колеги) - напиша Апасиев на Фејсбук.