Очекуваме над 1.500 идеи од граѓаните, градоначалниците од власта не дадоа отчет за сработеното, изјави претседателот на ВМРО-ДПМНЕ, Христијан Мицкоски. Тој рече дека за првпат општините го креираат буџетот заедно со граѓаните.

„Првиот викенд беа повеќе од 800, сега веќе ако ја следиме и онаа динамика од вчерашниот и денешниов ден претпладнево, можеме да кажеме дека имаме повеќе од 1.500 пристигнати идеи“, рече Мицкоски. 

Оцени дека во Велес се реализирани многу проекти и покрај економската и енергетската криза. Вели дека за следната година се предвидуваат повеќе од 1,5 милиони евра за асфалтирање и реконструкција на улици, булевари и две спортски сали во населените места Дворови и Тунел.