Колку мандати освоија партиите во шесте изборни единици.

Според последните обработки на ДИК, состојбата е следна:

Во првата изборна единица ВМРО-ДПМНЕ има освоено 10 мандати, додека, пак, нивниот главен политички ривал, СДСМ, има 3 мандати. ДУИ, Левица и ВЛЕН имаат по две пратенички места, а ЗНАМ има еден мандат.

Во Изборна единица два, ВМРО-ДПМНЕ има 8 мандати, ДУИ има 4, ВЛЕН 3, а СДСМ и Знам имаат по два мандати, додека Левица има едно пратеничко место.

Во Тројката, пак, ВМРО-ДПМНЕ има освоено најголем број мандати, дури 14, додека, пак, СДСМ има само 4 пратенички места. Левица и Знам имаат по еден мандат.

Изборна единица 4 води ВМРО-ДПМНЕ со 13 пратеници, СДСМ има 5 пратеници, а Левица и Знам имаат по еден мандат.

Во Петката, пак, ВМРО-ДПМНЕ има 10 мандати, ДУИ има 4, СДСМ е со три освоени места, а Левица, ВЛЕН и Знам имаат по еден мандат.

И во Изборна единица 6 најмногу гласови има ДУИ, односно 9, а по него со 7 пратенички места се ВЛЕН. ВМРО-ДПМНЕ има 3, а СДСМ едно пратеничкио место. 

Како што веќе објави Фактор, ДИК до доцна утрово ги преброја речиси сите ливчиња односно 99,24 проценти. Разликата е што сега според нив ВМРО-ДПМНЕ има 58 мандати, СДСМ 18, ДУИ 19, а ЗНАМ има 6.

Состојбата е следна: Коалиција “ТВОЈА МАКЕДОНИЈА“ ВМРО- ДПМНЕ има 58 мандати

Коалиција “ЕВРОПСКИ ФРОНТ’’    19 мандати

КОАЛИЦИЈА ЗА ЕВРОПСКА ИДНИНА - СДСМ  18 мандати

КОАЛИЦИЈА ВЛЕН     13 мандати

Политичка Партија ЛЕВИЦА     6 мандати

Движење ЗНАМ - За Наша Македонија   6 мандати